partekatu
Eneko Andueza: “PSE-EE erreferentziazko alderdia da hauteskunde-hitzordu guztietan, irabazteko eta eragiteko gauza da”
PSE-EEko idazkari nagusiak, Eneko Anduezak, poza helarazi dio Euskadiko Batzorde Betearazleari igande gauean dagoeneko iritzi zion “emaitza bikainengatik”, sozialistek ekainaren 9ko Europako hauteskundeetan lortutako emaitzen harira. PSE-EEk duen goranzko joera nabarmendu du Anduezak, hauteskunde bakoitzean berretsi izan baita, eta erakunde-esparru guztietan alderdiak eragiteko duen gaitasuna azpimarratu du.
“Geure artean zorionak banatzeko unea da hauteskunde-hitzordu guztietan erreferentziazko alderdi bat garela helarazi ahal izan diegulako herritarrei; batzuetan irabazteko gauza gara, beste batzuetan, berriz, lar eragiteko edo garaipenetik oso hurbil izateko, igande honetan gertatu den bezala”, adierazi du.
Andueza oso pozik azaldu da alkate sozialista duten euskal udalerrietan (Portugalete, Ermua, Trapagaran, Muskiz, Irun, Lasarte-Oria, Eibar, Zumarraga, Gasteiz, Zambrana eta Iruña Oka) lortutako emaitzengatik, PSE-EEk irabazi baitu, edo Bilbon, Donostian, Barakaldon, Sestaon, Santurtzin, Oionen edo Eltziegon izandako garaipen sozialistagatik, edo Errenterian eta Andoainen, aurreneko alderdietatik hurbil. Eta Arabako eta Bizkaiko lurraldeetan eta aipatu hiru euskal hiriburuetan lortutako garaipena azpimarratu du.
Euskadiko Batzorde Betearazleak, besteak beste, Alfonso Gil Invernon Senatuko Talde Sozialistaren egungo idazkari nagusi dena erkidegoko senatari izatea proposatzeko erabakia hartu du.
