PSE-EE PSOE Socialistas Vascos

PSE-EEko idazkari nagusiak, Eneko Anduezak, gogoratu du Alderdi Sozialista dela faborito Euskadin datorren azaroaren 29ko hauteskundetan. “Gu ilusioz beterik gaude, eta faboritoak gara hasieratik; 2023ko uztaileko hauteskunde orokorretan lehen indar politikoa izan ginen eta sinetsita gaude hurrengo hauetan ere halaxe izango dela”, esan du PSOEk Fuenlabrada madrildar herrian egin duen Batzorde Federalera sartzean komunikabideei egindako adierazpenetan.

“Gainera, uste dut bart gaueko azken orduan lortu zen akordioak lagundu egiten duela milaka pertsona proiektu honetan oraindik ordezkatuago sentiarazten. Eta lagundu egiten du Alderdi Sozialistak berriro herrialde honetan gobernatu ahal izateko eta nahi dugun Europaren barruan Espainia honetan aurrerabideak eta modernitateak aurrera egiten jarrai dezaten ahalegin bakar bat ere ez galtzen”, esan du Senaturako Fronte Zabalarekin zerrendak partekatzeko lortu den Aurrerabideko Senatua hautagaitzaren akordioari buruz.

Andueza Batzorde Federalean parte hartu izan duen euskal ordezkaritzak lagundurik egon da. Maider Etxebarria Gasteizko alkatea izan da, beste behin, Batzorde horretako presidentea. Euskal sozialistak gogoratu duenez, hauteskundeetan pentsio-sistema bezalako gai oso garrantzitsuak daude jokoan.

“Sinetsita gaude badela gehiengo bat aurrerabideko Gobernuarekin dagoena, pentsioak eta pentsiodunak defendatzen dituen proiektu batekin. Beren bizi-proiektua hemen, Espainian, garatu nahi duten eta etxebizitza bat prezio eskuragarrian izan nahi duten gazte guzti horiek defendatzen dituenarekin. Pedro Sánchez buru den gobernu honekin beren soldatek gora nola egin duten eta beren baldintzak nola hobetu diren ikusi duten milioika langile defendatzen dituenarekin. Azken batean, aurrerabidearen bidezidorretik jarraitu nahi duen herrialde-proiektu batekin”, adierazi du.