partekatu
Cristina Gonzalez Turismo, Merkataritza eta Kontsumoko sailburu hautatu dutela jakinarazi dio Eneko Anduezak Euskadiko Batzorde Betearazleari
PSE-EEko idazkari nagusiak Imanol Pradales lehendakariari ere jakinarazi dio erabakia "Alderdi Sozialistak egonkortasunaren eta kudeaketa onaren berme dela erakutsi du beste behin", adierazi du Anduezak
PSE-EEko idazkari nagusiak, Eneko Anduezak, gaur bildu den Euskadiko Batzorde Betearazleari jakinarazi dio Cristina Gonzalezek Eusko Jaurlaritzan Turismo, Merkataritza eta Kontsumoko sailburu kargua hartzeari buruzko erabakia, eta Imanol Pradales lehendakariari ere eman dio horren berri. PSE-EEko presidente denaren hautaketa ?Javier Hurtado ordeztuko du? euskal sozialismoak 2016tik erkidegoko exekutiboetan etengabe lideratzen duen arloaren alde egindako apustu irmoa da.
Sektore horrek gero eta garrantzi handiagoa du euskal ekonomian. Turismoa eta merkataritza Euskadiko BPGren %18a eta enpleguaren %24a eratzen dute, 247.000 langile baino gehiagorekin. Euskadiko familien laurden bat bi sektore horietako batean egiten du lan, enpleguan inpaktua duten beste arlo batzuk kontuan hartu gabe, hala nola ostalaritza, garraioa, kultura edo lehen sektorea.
Sailaren helburuetako bat izango da jasangarritasuna eta etika turistikoa ezaugarri dituen koiuntura berrira moldatzeko beharrezkoa zen Turismoaren Legearen onarpena, Eusko Jaurlaritzatik egonaldi turistikoentzat ezarritako zerga martxan jarri ondoren, zeina eraginkorra izango baita 2027. urtetik aurrera.
?Zorionak eman nahi dizkiot Cristina Gonzalezi. Oso ondo ezagutzen du bere gain hartzen duen arloa, eta ziur nago lan bikaina egingo duela. Baita Javier Hurtadori ere, entrega eta dedikazio handiz egindako lana uzten duelako. Alderdi Sozialistak, beste behin, erakutsi du egonkortasunaren eta kudeaketa onaren berme dela?, adierazi du Eneko Anduezak.
PSE-EEko presidente eta Arabako foru gobernuan lehen ahaldun nagusi denak utzi egingo du Enplegu, Merkataritza, Turismo eta Foru Administrazioko foru diputatuaren kargua, Eusko Jaurlaritzan hasteko. Cristina Gonzalez Gasteizen jaio zen eta Zientzia Politikoetan eta Soziologian lizentziatua da. Europar Batasuneko eta Europa Ekialdeko Ikasketa Aurreratuen diploma ere badu.
Gasteizko UNED Ikastetxe Elkartuko tutore da. Arabako PSE-EEko idazkari nagusi hautatua izan zen 2014ko irailean, eta kargu horretan berretsia izan zen 2017ko irailean eta 2021eko azaroan. Beste agintaldi baterako berrautaketara ez aurkezteko erabakia iragarri zuen 2025eko otsailean. Foru diputatu izan da 2025eko uztailetik. Arabako Batzar Nagusietako batzarkide izan zen 2007-2011 legegintzaldian, eta talde sozialistaren bozeramaile erakunde horretan 2011ko ekainetik 2015eko udal eta foru hauteskundeetaraino. Euskal legebiltzarkide ere izana da 2009ko maiatzetik 2012ko urtarrilera bitartean.
