partekatu
Eneko Andueza: “Arrantza sektoreak enplegua sortzen eta populazioa finkatzen laguntzen du eta produktu osasungarriak bermatzen ditu gure merkatuetan”
PSE-EEko idazkari nagusia baxurako arrantzako ordezkariekin bildu da, hirugarrenek berdelaren gehiegizko ustiakuntzagatik, kuoten banaketagatik edo belaunaldi-erreleboagatik kezkaturik baitira
Idoia Mendia: “Enpleguari eta jarduera ekonomikoari eutsi beharra dago. Ekainean Nizan argitara emango den Ozeanoen Itunaren eztabaidarako ere apunteak daramatzat, zerikusi handia du sektoreari lotutako jarduera ekonomikoetan egiten diren inbertsioekin”
PSE-EEk Gipuzkoako kofradiekin egin duen topaketan Paula Somalo Senatuko Arrantza Batzordeko presidenteordeak ere hartu du parte
PSE-EEko idazkari nagusiak, Eneko Anduezak, arratza sektorearen jarduerak lurraldearen kohesioa sozialean laguntzen duela azpimarratu du, produktu osasungarriak eskaintzeaz gain. Anduezak eginkizun bikoitz hori azpimarratu du Gipuzkoako kofradiekin egindako bileraren ostean. Idoia Mendia europarlamentariak eta Paula Somalo arabar senatariak lagundu diote Anduezari bilera horretan, biak ala biak Arrantzako batzordekideak baitira dagozkien erakundetan.
“Kofradiekin elkarrizketetan jarraitzen dugu, zuzeneko hari bat da sektorearekin, arrantza sektorea oso garrantzitsua delako, enplegua sortzen eta kostaldean populazioa finkatzen laguntzen digulako, jateko ohitura osasungarrietan laguntzeaz gain merkatuan jartzen dituen produktuekin. Haien kezkak eta arazoak erakunde ezberdinei helarazteko eta konponbideak jartzeko abagunean izango dugu. Zorionez, gobernu guztietan gaude eta zuzeneko elkarrizketak izan ditzakegu bai Ministerioarekin, bai Europako Batzordearekin”, azaldu du Anduezak topaketaren ondoren.
Topaketak baxurako arrantzako ordezkariei aukera eman die beren kezkak azaltzeko berdelaren harrapaketen gainean, aurtengo arrantza-aldian ia ezer ez delako harrapatu, beste herrialde batzuetako floten gehiegizko ustiapenagatik. Arrantzaleen iritziz, berdelaren kontuan ez da errespetatzen ICES (International Council for the Exploration of the Sea) erakunde zientifikoak dioena espezie horren biomasa aztertzen duenean. Biomasa egoera txarrean dagoela salatzen dute kofradiek, eta kostaldetik gero eta urrunago arrantzatzera behartzen ditu horrek, azken urteotan ohitura bihurtu dena. Espezie guztientzako kuoten banaketa orekatu bat ere eskatzen dute, edozein dela ere haien egoera edo stocka.
Hirugarren herrialdeek, bereziki Norvegiak eta Islandiak, harrapaketaren gainean egiten duten gehiegizko ustiakuntzari buruzko auzia Virginijus Sinkevičius Arrantzako komisarioaren kabineteari helarazteko konpromisoa hartu du Idoia Mendiak. Mendiak esan du Europako Parlamentuko Arrantza Batzordeko misio bat Bizkaiko golkora joango dela urrian. Eta sentsibilizazio-kanpainen garrantzia ere azpimarratu du, arrantza sektore errentagarria dela, lan egiteko eta soldata duinak lortzeko aukera ematen duela eta emakumezko langileak hartzeko zabalik dagoela helarazteko.
“Erabakiak hartzen diren erakunde guztietan gaude, eta arrantzaren kasuan Europak eskumen esklusibo garrantzitsuak ditu. Funtsean, Europako Batzordean lehendik ere hitz egin eta eztabaidatu izan ditugun kezkak jakinarazi dizkigute, arrandegien iraunkortasunari lotutakoak. Horixe ari da gertatzen da berdelarekin, kezka handia dute horren egoeraren inguruan, herrialde batzuk egiten duten gehiegizko arrantzak zuzenean eragiten diolako euskal flotari”, adierazi du Mendiak.
Euskal Sozialistek kofradiekin elkarrizketetan jarraitzen dugu, zuzeneko hari bat da sektorearekin, Arrantza sektore oso garrantzitsua delako, enplegua sortzen eta kostaldean populazioa finkatzen laguntzen digulako, jateko ohitura osasungarrietan laguntzeaz gain merkatuan… pic.twitter.com/FUHGRaeJbe
— Eneko Andueza (@enekoandueza) May 16, 2025
Belaunaldi arteko erreleboa ere hizpide izan du europarlamentariak. “Asko eragiten digu, oro har, lehen sektoreko eta, bereziki, arrantza sektoreko belaunaldi arteko erreleboaren kontuak. Espainiako Gobernuari zuzentzeko eginbehar batzuk daramatzagu, lagundu beharra dagoelako errelebo hori gauzatzen eta enpleguari eta jarduera ekonomikoari eusten. Eta ekainean Nizan argitara emango den Ozeanoen Itunaren eztabaidarako ideiak eta apunteak ere badaramatzat, zerikusia handia dute arrantzari lotutako jarduera ekonomikoetako etorkizuneko inbertsioekin”, azaldu du europarlamentariak, Arrantza Batzordeko kide denak.
PSE-EE aldiro biltzen da arrantzako sektorearekin. Anduezak Idoia Mendia ekarri nahi izan du oraingo honetan bilera horietara Europako azken hauteskundeetan hautatua izan ondoren, EBko erakundeek jarduera horren inguruko araubide osoan duen garrantziagatik.
Baxurako arrantzaren aldetik, berriz, bileran izan dira Norberto Elgezebal Gipuzkoako Kofradien Federazioko presidente eta Hondarribiko Kofradiaren presidente dena, Amaia Ausan Hondarribiko Kofradiaren idazkaria, Emeterio Urresti Getariako Kofradiaren presidentea, Josu Ezenarro Getariako Kofradiaren idazkaria eta Miren Garmendia OPEGUI Gipuzkoako Baxurako Arrantza Ekoizleen Elkartearen zuzendaria. Horiez gain, Jon Azkue Eusko Jaurlaritzako Arrantzako sailburuorde ohiak eta Josu Alvarez Hondarribiko Elkarte Sozialistaren idazkari nagusiak ere hartu dute parte.
