partekatu
Eneko Andueza: “Oso garrantzitsua da jendea era masiboan botoa ematera joatea egindako bidea desegin nahi duen eskuin eta eskuin mutur hori geratzeko”
PSE-EEko idazkari nagusiak hauteskundeetan parte-hartze handi bat izatera egin du dei, eskubide eta askatasun gehiagoko Europa baten proiektua salbatzeko
PSE-EEko idazkari nagusiak, Eneko Anduezak, hauteskunde-jardunaldiko emaitzak eskuinaren eta eskuin muturraren erasoen aurrean (Espainian, PP eta Vox; Batasunean, beste alderdi ultra batzuk) Europaren proiektua salbatzeko duen garrantziaz ohartarazi du. “Europaren etorkizuna dago gaur jokoan, jokoan dago Euskadiren etorkizuna ere. Oso garrantzitsua da jendea masiboki botoa ematera joatea, parte-hartze handia egotea eta espainiar demokraziatik hainbeste urte eta izerdiren ondoren eraikitako bidea desegin nahi duen eskuin eta eskuin mutur horri galga jartzeko balio izatea.
Anduezak Portugaleteko hauteslekuan eman du bere botoa, eta hauteskunde-hitzordu guztiak garrantzitsuak direla esan du, baina gaurkoek duten garrantzia azpimarratu du. “Europaren proiektuak aurrera egiteko, modernizatzeko eta une korapilatsuetan aurrera egiteko tresnak izateko aukera ematen digu; pandemian izan dugu hori egiaztatzeko aukera, baita Errusiak Ukraina inbaditzearen ondorioz ere. Tresna asko ditugu une zailetarako eta egunez egun eskubide gehiago, askatasun gehiago eta, jakina, guztiontzako oparotasun gehiago izango duen Europa baterantz urratsak emateko”, adierazi du.
