partekatu
Eneko Andueza: “Euskadi lideratzeko moduan gara euskal gizartearen babes zabal bat jasoko duen proposamen bat eskainita”
PSE-EEko idazkari nagusiak, Eneko Anduezak, sozialistek “euskal politika ardazten” eta “erakundeei egonkortasuna ematen” betetzen duten eginkizuna azpimarratu du
Batzorde Exekutiboa bildu du PSE-EEren X. Kongresuaren ondoren eragile politiko, sozial eta ekonomikoekin hasitako kontaktuen txandaren amaierako konklusioak azaltzeko
PSE-EEko idazkari nagusiak, Eneko Anduezak, sozialistek euskal herritarren gehiengo handi batentzako proiektu erakargarri eta aglutinatzaile baten bidez Euskadi lideratzeko duten gaitasuna goratu du. Anduezak balioa eman dio bere alderdiak erakundeei egonkortasuna emateko orduan betetzen duen eginkizuna, zerbitzu publikoen indartzea edo enplegu duin bat lortzeko eskubidea bezalako kontuak jarriz fokupean.
“Euskadi lideratzeko moduan gara euskal gizartearen babes zabal bat jasoko duen proposamen bat eskainita”, adierazi du.
PSE-EEko X. Kongresuaren ondoren eragile politiko, sozial eta ekonomikoekin abiarazitako kontaktuen txandaren amaiera partekatzeko Batzorde Exekutiboak egindako bileraren ondoren eman duen prentsaurrekoan, Anduezak esan du Alderdi Sozialistaren jardunari esker egin ahal direla “gaur egun Euskadin politika aurrerakoiak”. “Haren programari esker, haren proposamenei esker eta erakundeak gobernatzeko dituen akordioei esker da posible”, erantsi du.
Buruzagi sozialistak azken erreforma fiskala aipatu du politika egiteko modu horren adibide modura, “beste batzuk, ekintzaz nola omisioz, izan duten jarreragatik posible izango ez zena”. “Erreforma fiskal aurrerakoi bat baldin bada, onartu izan den zehaztapenekin, Alderdi Sozialistak emandako bultzadari esker da hori”, esan du.
Gizarte bidezkoago eta kohesionatuago baterantz urratsak emateko sozialisten egitekoa funtsezkoa bihurtzen ari den beste esparru batzuk ere aipatu ditu Eneko Anduezak. Etxebizitzan, adibidez, prezioak mugatzeko den konpromisoa azpimarratu du, enpleguan elkarrizketa sozialaren balioa eta laneko eskubideetan lortu den aurrerapena goratu ditu, eta mugikortasunean garraio jasangarri nola berdinzaleari emandako bultzada azpimarratu du.
#Euskadi lideratzeko moduan gara euskal gizartearen babes zabal bat jasoko duen proposamen bat eskainita.
Euskadik politika aurrerakoiak nahi ditu.
Eta gaur egun Euskadin politika aurrerakoiak posible baldin badira, Alderdi Sozialistarengatik eta horrek dituen akordioengatik da… pic.twitter.com/xNg0JvI2k7
— Eneko Andueza (@enekoandueza) May 10, 2025
Buruzagi sozialistak, halaber, turismo “jasangarri eta arduratsua” lortzeko politikak nabarmendu ditu, eta baita memoriaren eta giza eskubideen politiketan garatutako aldaketak ere, sektarismoetatik urrundurik direnak eta “biktimei laguntzeko, kolektibo jakin batzuk ahanzturatik libratzeko edo belaunaldi gazteenei terrorismoarekin bizi izan dugun dramaz ohartarazteko” balio dutenak.
“Legegintzaldi berri honetan, erantzukizun gehiago ditugu Eusko Jaurlaritzan, eta esango nuke asko eta ondo ari garela eragiten politika publikoen norabide aurrerakoian, politika aurrerakoien ildotik doan ikuspegi bat garatuz ekonomiaren eta enpleguaren, mugikortasun jasangarriaren, etxebizitzarako eskubidearen hala nola turismoaren gainean. Eredu liberalago eta kontserbadoreagoetatik urrunduz, hain zuzen ere”, azpimarratu du.
PSE-EEko idazkari nagusiak, era berean, “eskuinaren eta eskuin muturraren ezkutuko aliantzez” ohartarazi nahi ditu herritarrak, gaur egunera arte lortu izan diren aurrerapen guztiak indargabetzeko mehatxu direlako. “Herritarrek mehatxaturik dituzte beren eskubideak totalitarismoagatik, babes faltagatik, Trumpen ahal duena salba dadila behialakoagatik, baina baita Isabel Diaz Ayuso, Feijoo eta PPko buruzagiengatik ere”, adierazi du.
