partekatu
Eneko Andueza: “Akordio aurrerakoia da, zerbitzu publikoak babesten ditu, desberdintasunak borrokatzen ditu eta Euskadi bidezkoago bat eraikiko du”
PSE-EEko idazkari nagusiak, Eneko Anduezak, esan du datorren legegintzaldirako gobernu-akordioak “norabide aurrerakoia” duela eta “zerbitzu publikoak babesteko, desberdintasunak borrokatzeko eta Euskadi bidezkoago bat eraikitzeko” pentsatuta dagoela.
“Eta uste dut baikorrak izan gaitezkeela helburu horietan guztietan, ahaztu gabe lana geratzen dela egiteko eta askoz errazagoa izango dela hori lortzea, besteak beste, gizarte-eragileen, sindikatuen, hirugarren sektorearen, euskal industriaren eta lehen sektorearen laguntza baldin badugu”, adierazi du.
Anduezak prentsaurrekoa eman du Andoni Ortuzar EAJko presidentearekin batera koaliziorako akordioa sinatu eta gero, eta bi alderdiek beren gain hartzen duten erantzukizuna nabarmendu du. “Ez gara engainatuko, eskua luzatzen dugu, baina bi alderdien datozen lau urteetarako bide-orria da hori. Erronka itzelei aurre egiteko b¡de-orri bat da, anbizioa, ausardia eta eredu batzuekin haustea eskatzen dituena”, esan du.
Eusko Alderdi Jeltzalearekin koalizio-gobernurako akordioa sinatu dut oraintxe, eta bideo honetan azaldu nahi dizkizuet euskal herritarrentzat akordio on bat denaren xehetasunak, #EtorkizunekoEuskadi-ren oinarriak jartzen dituelako.
Akordio aurrerakoia da, zerbitzu publikoak… pic.twitter.com/9ApMW3zEg8
— Eneko Andueza (@enekoandueza) June 19, 2024
Eta gogobeterik azaldu da akordioak ezarri dituen lehentasunengatik. “Datorren Gobernua funtsezkoa denari emanik egongo da. Sinatu dugun agirian ikusiko duzue. Laburpen bat aurreratu dizuegu oraingoz, baina kontu batzuk aipatu ditzaket: osasuna, gizarte-politikak, etxebizitza, hezkuntza, erronka demografikoa, enplegua, berrikuntza, garraioa, trantsizio energetikoa, berdintasuna, bizikidetza… Gure programan jasotzen zen horretaz guztiaz hitz egiten igaro dut nik, hain zuzen, hauteskunde kanpaina”, esan du.
