partekatu
• Bisita Euskaltzaindiara
Eneko Andueza: “Euskadiren pluraltasunak aho batezko legeak eskatzen ditu, herritar guztiak kontuan hartuko dituena euren ideologiaz, jatorriaz edo klase sozialaz harago”
PSE-EEren idazkari nagusiak espero du “datozen egunetan” akordio bat lortzea etorkizuneko Hezkuntza Legearen oinarriei buruz
“Euskara apriorismo politikoetatik urrundu” behar dela defendatu du Euskaltzaindiaren egoitzara egindako bisitan
![1. argazkia](imagenes/noticias/20220223_Euskaltzaindia_EnekoAndueza-PSE_23-min_1.jpg)
PSE-EEren idazkari nagusiak, Eneko Anduezak, “kontsentsu zabalen” alde egin du datozen urteetako Euskadi eraikitzera deiturik dauden politiketan, eta gogoratu du herrialdearen pluraltasunak eta konplexutasunak “Euskadiko herritar guztiak kontuan hartuko dituen legeak” eskatzen dituela, edozein dela ere horien “ideologia, jatorria edo klase soziala”.
Eneko Anduezak hitz horiek esan ditu Euskaltzaindiaren egoitzara egin duen bisitaren amaieran. Euskararen Erret Akademiaren zuzendaritzak egin dio harrera Anduezari bisita egitean, haren presidente Andrés Urrutia buruan zela, eta “euskara apriorismo politikoetatik urruntzearen eta euskara herritar guztiek nahi duten hizkuntzan bizitzeko askatasunarekin batera defendatzen jarraitu ahal izateko bidea aurkitzearen” alde egin du.
Kazetarien galderei erantzunez, buruzagi sozialistak adierazi du “datozen egunetan” akordio bat espero duela EAJrekin etorkizuneko Hezkuntza Legearen norabidearen oinarriei buruz, eta esan du PSE-EE “ukondoz ukondo” ari dela lanean bere gobernukidearekin diferentziak konpontzeko.
Euskadiren pluraltasunak herritar guztiak kontuan hartuko dituen aho bateko legeak eskatzen ditu (Estatutua, Eskola Publikoaren Legea, Euskararen Legea...), euren ideologiaz, jatorriaz edo klase sozialaz harago.
Euskarari buruzko manikeismoetatik urrunduz, eleaniztasuna defendatzen dugu. pic.twitter.com/6YqeL4KKZQ
— Eneko Andueza (@enekoandueza) February 23, 2022
Andrés Urrutia Euskaltzaindiako presidentea, bere aldetik, pozik agertu da PSE-EEren ordezkaritzak egindako bisitarengatik: “Eskerturik gaude PSE-EEren idazkari nagusiaren bisitarengatik, eta espero dugu topaketa honek balio izatea etorkizuneko proiektuak aktibatzeko. Euskaltzaindia beti dago zabalik erakundeekin eta alderdi politikoekin elkarrizketatzeko, baita horiekin euskararen alde kolaboratzeko ere, euskara euskal herritar guztiena delako eta hizkuntzak Euskal Herriko biztanle guztien parte-hartzea behar duelako bere normalizazio prozesuan”, adierazi du Urrutiak.