PSE-EE PSOE Socialistas Vascos

PSE-EEko idazkari nagusiak, Eneko Anduezak, sozialistek gaur egun euskal Exekutiboan pisu eta erantzukizun handiagoa nola duten nabarmendu du. Anduezaren esanetan, testuinguru berri horrek euskal jende guztiaren ongizatea hobetzera zuzendutako kudeaketa eraginkor bat dakar.

Herri Irratirako egin dioten elkarrizketa batean, buruzagi sozialistak esan du PSE-EEren botere-kuota handiago hori epe ertain eta luzera “Euskadin guk lema eramatera” zuzendurik dagoela. “Sozialistak gero eta gertuago gaude Euskadin lidergoa izatetik. Kudeatzen badakigula ari gara erakusten, herritarren bizi-kalitatea hobetzeko ondo markatutako bide-orri bat dugula eta hitza betetzen duen jendea garela”, adierazi du.

Eneko Anduezak azpimarratu du “gaitasun handiko jendea, kudeaketan eskarmentua duena” dagoela Eusko Jaurlaritza berrian, sozialisten eta nazionalisten artean sinatutako Gobernu Akordioan oinarritzen dena. “Beste akordio batzuk ez bezala, oraingo honetan askoz gehiago zehazten eta askoz neurri zehatzagoak daude. Ez da ezer uzten inprobisaziorako”, esan du.

Gaitasun handiko jendea, gobernatzeko bide-orri oso argia duena du Eusko Jaurlaritza berriak.

Bistan geratu da euskal sozialisten lehentasunak euskal herritarrei benetan kezkatzen dieten horiek direla. #EtorkizunekoEuskadi
? @RadioPopular pic.twitter.com/gEGDj19ZGW

— Eneko Andueza (@enekoandueza) September 30, 2024

“Agerian geratu da gure lehentasunak herritarren kezkekin lotutako guztiak direla, ez nazionalistei bakarrik kezkatzen dietenak”, azpimarratu du. 

Buruzagi sozialistak, bestalde, deitoratu egin PP “kutsatuta” egotea eskuin muturrengatik, horren planteamenduak hartzera “arrastan” daramazkielarik. “Noraez arriskutsu batean erori dira, arrazoimenetik eta zuhurtziatik urrun”, azaldu du. Eskuinak ezin duela jasan sozialdemokraziak Espainian gobernatzea edo Europan politiken buruan egotea nabarmendu du, halaber, Anduezak.