PSE-EE PSOE Socialistas Vascos

PSE-EEren idazkari nagusiak, Eneko Anduezak, lehen sektorea “botata utzi” izana aurpegiratu dio PPri Elikadura Katearen Legearen kontrako botoa bezalako erabakiekin, eta jarrera hori PSOE eta Pedro Sánchezen Gobernua abeltzainei eta nekazariei laguntzeko erakusten ari direnarekin kontrajarri du. Anduezak XXIII. Txakolin Egunen hartu du parte Amurrio arabar herrian, Cristina González ahaldun nagusiorde eta Arabako PSE-EEren idazkari nagusiarekin, Javier Hurtado Turismo, Merkataritza eta Kontsumoko sailburuarekin, Carlos Ibarluzea Bide Azpiegitura eta Mugikortasun diputatuarekin, David Romero Amurrioko idazkari nagusiarekin eta beste hainbat kargu eta militante sozialistekin batera.

“Gu nekazariekin gaude, beti egon izan garen moduan. Beste batzuei, esaterako PPri eta Voxi, ahoa betetzen zaie landarekin daudela esanez, baina ezetz esaten dute Elikadura Katearen Legearen gisako horren funtsezko lege bat bozkatzerakoan. Hori da Feijóoren PP, Casadorengandik, Raxoirengandik, Cospedalengandik, Aznarrengandik oinordetzan hartu izan duena”, adierazi du Anduezak, ekoizpen kostuen azpitiko prezioak galarazten dituen eta milaka ustiakuntzen biziraupena bermatzen duten arau baten garrantzia azpimarratuz.

Eta Feijóoren PPri aurpegiratu dio ustelkeriaren aurrean duen jarrera: “Guk badakigu non gauden, neurri eraldatzaileekin laguntzen, sektore berriak sustatuz Next Generation programen bidez; eta badakigu non dagoen PP, B kutxan, Villarejoetan, ustelkerian, PPren historia biziduna den horretan. Feijóoren moderazio faltsu hori herrialde honen aldeko apustuan eta Espainiako Gobernuarekin eta oraingoa bezalako horren egoera korapilatsua gainditzen ahalegintzen ari garen gobernu guztiekin kolaboratzen ikusi behar litzateke.