partekatu
• Elkarrizketa Euskadi Irratian
Eneko Andueza: “Sozialistak giza ezkutu bat ari gara eraikitzen erakunde guztietan, behar gehien dutenak babesteko”
PSE-EEko idazkari nagusiak, Eneko Anduezak, esan du sozialistak “giza ezkutu” bat ari direla eraikitzen parte hartzen duten erakunde guztietan, eta Gobernu Kontseiluak datorren asteartean, hilaren 25ean, onartuko dituen euskal Aurrekontuekin ere gauza bera gertatzen dela.
“Izaera irekiko kontu batzuk dira. Orain dela 10 urteko krisitik zerbait ikasi baldin badugu, murrizketekin desberdintasunak areagotu egiten direla ikasi dugu, eta guk kontrako bidetik joan nahi dugu. Gizon beltzen aldean, orain Europan, Next Generation funtsek giharra ematen diete gobernuei jendea babestuko duten politikak gauzatzeko. Alderdi Sozialista giza ezkutu bat sortzen ari da gobernu guztietan, guztietan gaude-eta, beharrik gehien dutenak babesteko, eta gehien dutenek gehien ematea lortzen ari da politika fiskalen bidez”, azaldu du.
Euskadi Irratian egin dioten elkarrizketa batean, Estatuko Aurrekontu Orokorrak ere aipatu ditu Eneko Anduezak, eta esan du Pedro Sanchezen Gobernuak legegintzaldia bukatuko duela eta nahikoa babes jasoko duen proiektu ekonomiko bat izango duela.
“Deflaktazioaren neurria ez da inolaz ere nahikoa; horregatik, sozialistak beste neurri batzuk ere hartzearen alde gaude, krisi honetan okerren pasatzen ari den jendeari laguntzeko balio behar dutenak”.
ðŸ—£ï¸ @enekoandueza
📻 @radioeuskadi#HacemosEuskadi pic.twitter.com/Hxh0bZO6Pk
— Socialistas Vascos - Euskal Sozialistak / â¤ï¸ (@socialistavasco) October 23, 2022
“Legegintzaldi honen hasieran esan genuenaren erakusle ona da Gobernu honek bide-orri argia duela, eskubideak eta behar gehien dutenak babesten oinarritzen dena”, adierazi du alderdi politikoekin osotasuneko zuzenketak atzera botatzeko eta kontuen onarpena bermatzeko lortutako akordioen gainean. Betetzen ari gara”, adierazi du.
Euskal Finantzen Kontseiluan PFEZaren azken deflaktazioa onartu ondoren PSE-EEk familien ekonomiak babesteko eskatu dituen neurriak ere aipatu ditu buruzagi sozialistak. “Nahi duguna da neurri hori izaera progresiboko beste neurri fiskal batzuekin osatzea; beraz, ez dugu neurri horren kontra bozkatuko. Datozen asteotan izango dugu aukera hori eztabaidatzeko”, adierazi du.
