PSE-EE PSOE Socialistas Vascos

PSE-EEko idazkari nagusiak, Eneko Anduezak, esan du Alderdi Sozialistari emandako botoak bakarrik galaraziko duela eskuin muturrak instituzioak eskuratzea, Espainian gertatu izan den bezala PPk Voxekin egindako akordioei esker. “Olatu ultra geratzea” lehentasuna da sozialistentzat. 

Europa gehiago merezi dugu. Europa gehiago nahi dugu. Horregatik, indarrak batu beharrean gara ekainaren 9 honetan. Eskuin muturrari galarazteko instituzioen jabe izatea. Faxistei aurre egiteko. Horien eskutik datorren eskubide eta askatasun galera saihesteko. Europa nahi ez duten horiei galga jartzeko. Koalizio ultra hori geratzeko era bakarra dago. Botoa Alderdi Sozialistari emanez. Boto bakar bat ere ezin dugu galdu, guztiek balioko dutelako eta beharko ditugulako”, adierazi du.

Anduezak ekitaldi politiko bat partekatu du Idoia Mendia Europako Parlamenturako hautagaiarekin, eta “guztiok kabituko garen Europa bat” defendatu du, “berdinzalea, askotarikoa, plurala; klimaren aldaketaren kontrako eta trantsizio energetikoaren eta iraunkortasunaren aldeko borrokaren alde jarraituko duen Europa bat”. Eta sozialisten politikak eta Feijooren eta Abascalen alderdiek gobernatutako udal eta autonomia erkidegoetako bizilagunek bizi dituztenak alderatu ditu.   Horrez gain, PSOEk eraiki izan duen “herrialde plurala, berdinzalea, solidarioa, ezberdinarekiko sentibera dena, bizikidetza, elkarrizketa lehenesten duena, herrialde ekintzailea, etorkizunduna” defendatu du, PPk horretan porrot egin duela esanez.

“Eta beren laguntxoak dakartzate orain Madrilera: Milei, Meloni, Le Pen, Orban… Ultren indarra. Garai ilunetara garamatzana, ahaztuta zeudela uste genuenetara”, gogoratu du Anduezak, eta PPk eta Voxek gezurrak eta zurrumurruak zabaltzen jarraitzen dutela deitoratu du, “lohiaren makina” delakoaz baliatuta, ekonomi- eta enplegu-egoera oso aldeko baten errealitatea auzitan jarri nahian.

#EuropaGehiago merezi dugu eta nahi dugu. Arrazoi horregatik, indarrak Alderdi Sozialistaren inguruan bildu behar ditugu, eskuin muturra Europako erakundeetan sar ez dadin.

Ez dute nahi sozialistak jendeari laguntzeko politikak lideratzen gauden Europa bat… pic.twitter.com/0QR6cz87C1

— Eneko Andueza (@enekoandueza) June 2, 2024

“Ahal dena eta ahal ez dena ari dira egiten hauteskunde kanpaina honetan, aurreko guztietan egin izan duten bezala, Pedro Sanchez gure presidenteari, bere Gobernu osoari min ematearren. Eta, horiekin batera, herrialde honetan bizi garen guztioi. Gaur-gaurkoz gizarte-ongizatearen aldirik hoberena bizi duen Espainia bat –harro esateko modukoa da hori–, enplegu-zifra handienekin eta etorkizunera begirako aurreikuspen onekin. Eta sozialisten eskutik dator. Horixe ezin digute barkatu!”, adierazi du.

Idoia Mendiak, bere aldetik, poza adierazi du PSE-EEk hauteskunde hautarako duen kanpainagatik. “Mezu garbi bat ari gara eramaten Euskadiko bazter bakoitzera, mezu zuzena, nahasmenik gabea. Sozialistek blindatu egin nahi dugu mendi erdi honetan europarrek zein euskaldunek irabazi izan ditugun bakea, aurrerabidea, bizikidetza eta eskubideak. Ez dugu utziko horiek eskuin muturrak eta beren aliatu ultrek lapurtu ditzaten. Ez dugu utziko pauso bakar bat ere atzera egiten. Eta demokrazian egin behar den moduan egingo dugu: hautetsontzietan. Horiek betez. Euskaldun aurrerakoi guztienekin”, adierazi du.

Hautagaiak eskerrak eman dizkio Feijoori kanpainaren hasieran aitortzeagatik PPren eta Voxen arteko itunak estrategia sakonago baten parte direla. “Alderdi Popularrak erraz jarri dizkigu gauzak, Feijook lehen egunean bertan argitu zuelako inkognita handia. Voxekin egindako bere aliantzak ez zirela zerbait iragankorra esan zuen, sakoneko estrategia bat zirela. Dagoeneko ez da ari Abascal besarkatzen, nazioarteko ultra osoari besarkatzen da orain. Behin Europako Zutabe Sozial sinatu bazuten ere, orain atzera egiten ari dira. Behin migrazio-itun bat sinatu bazuten, orain ezetz esaten dute. Behin Itun Berdea sinatu bazuten, bere sozio ultrek hori zuzentzeko eskatzen diote orain”, nabarmendu du.

Ayuso eta terrorismoaren erabilpena

Terrorismoa hauteskunde helburuetarako erabiltzea leporatu dio Mendiak Madrileko Erkidegoko presidenteari. “Ez du aukerarik galtzen gezurretarako, irainerako eta laidorako. Horixe da politika eta kanpainak egiteko duten modua. Ayusorekin denbora galdu behar al nuen galdetu diot neure buruari. Hainbat eta hainbat adiskideren memoriagatik egiten dut. Ezinbestekoa dena bakarrik. Madrilgo presidente andrea: Zuk aurpegira ere ezin diezu begiratu terrorismoari besoak jaitsi gabe aurre egin zioten erresistentziako euskal sozialista guztiei. Ezin duzu begiratu ere egin ETAren porrota lortu zuena bezalako Alderdi Sozialistaren parera. Beraz, ezta duintasun lezio erdirik ere gutako inori”, adierazi du.

Mendiak gogoratu du ongizatea areagotzeko, zerbitzu publikoak babesteko, etxebizitza eskuratzeko zailtasunen bezalako kontuei erantzuna emateko apustua dagoela erakunde guztietako sozialisten agendan, eta ezin dela utzi eskuin muturrak horrekin guztiarekin akabatu dezan.

“Udaletatik, aldundietatik eraikitzen ari garen guztia, azken euskal legegintzaldi honetan aurreratu izan dugun guztia ezin da ezerezean geratu hemen galga jartzen diogun eskuin muturrak Europan toki bat egingo duelako PPren laguntzaz. Gure apustua ongizateko Euskadi eta Europa baten alde da, enplegu eta soldata onekin, gutxieneko errentekin, laneratzeko eta gizarteratzeko programekin, inor ez dadin geratu abandonatuta eta aukerarik gabe baztertuta. Eta etxebizitza duinekin, gazteentzako eta adin txikikoak dituzten familientzat eskuragarriak izango direnak”, azaldu du.

Eta “botoa masan” ematera deituz amaitu du: “Aurrerakoiak hautetsontzietara masan bagoaz, eraiki dezakegu gorrotoaren eta kaosaren profetak bakarrik kanpoan geratuko diren Europa bat. Lezio bat emango dugu Euskadin botoa eman genuen bezala. Guztiok botoa ezkerrarekin ematera ekainaren 9an!”.