partekatu
Idoia Mendia: “Arrantzari buruz ari garenean, belaunaldi arteko erreleboaz eta emakumeek sektorean duten rolaz hitz egin behar dugu”
Idoia Mendia europarlamentari sozialistak “pertsonak erdigunean jartzen dituen Europa bat” defendatu du Costas Kadis komisarioaren hearing-ean. “Arrantzari buruz ari garenean, belaunaldi arteko erreleboaz eta emakumeek sektorean duten rolaz hitz egin behar dugu”, esan du.
Kostaldeko udalerriak era jasangarrian berraktibatzeko balioko duen Ekonomia Urdinaren aldeko apustu irmoa egitea aldarrikatu du euskal ordezkariaren Komisario izateko hautagaiaren entzunaldian. Etorkizuneko EMFAF funtsen ehuneko bat flota edo beste azpiegitura batzuk hobetzera eta emakumeak sektorean lanean hazteko baldintza hobeagoak sortzera zuzen daitezela eskatu dio komisarioari.
Europako Parlamentuaren iritziak kontuan hartzea defendatu du Mendiak, iragan agintaldian Fishers for the Future-k bultzatutakoak bezala, belaunaldi arteko erreleborako neurriak jasotzen baitziren bertan. Horren haritik, arrantzari buruzko Elkarrizketa Sozialak eskualde mailakoak ere izan daitezela eta, adibidez, Euskadin egin daitezela eskatu dio komisarioari, gazteei entzuteko eta horren premiazkoa den belaunaldi arteko erreleboan laguntzeko.
