partekatu
Idoia Mendiak lankidetzan aritzeko prestutasuna azaldu dio Elkarrekin Podemosi pandemiaren eta haren ondorio sozial eta ekonomikoen kontrako borrokan
Alderdi politikoen arteko lankidetza Euskadin legegintzaldi berri honetan herritarrek eskatzen dituzten helburuak lortzeko eta pandemiaren eta haren ondorio sozial eta ekonomikoen kontrako borrokarako metodo gisa erabiltzeko, horiek izan dira Idoia Mendia PSE-EEko idazkari nagusi eta lehendakariordeak azaldu diena Elkarrekin Podemoseko zuzendaritzarekin burutu duen bileran.
Bi alderdietako arduradun gorenek egin duten topaketan, PSE-EEren aldetik Miguel Ángel Morales PSE-EEko Antolakuntzako idazkariak eta Begoña Gil Erakundezko Politikako idazkariak, eta Elkarrekin Podemosen aldetik Pilar Garrido koordinatzaile nagusiak eta David Soto Antolakuntzako idazkariak ere hartu dute parte.
Bileran, hain zuzen bi alderdien arteko lehena Elkarrekin Podemosen zuzendaritza berria hautatu zutenetik, hizpide izan dute ere Pedro Sánchez buru duen eta bi antolakundek osatzen duten koalizio Gobernuak ezarri duen bide-orri aurrerakoia lortzeko Estatuko hurrengo Aurrekontu Orokorrek duten garrantzia.