PSE-EE PSOE Socialistas Vascos

Turismo, Merkataritza eta Kontsumoko sailburuak, Javier Hurtadok, Sailaren 2025erako aurrekontua aurkeztu du gaur Eusko Legebiltzarrean. Aurrekontua 57,8 milioi eurokoa izango da, 2024an baino %8,3 gehiago

Turismo arloa

Turismo arloari 21 milioi esleitu zaizkio, eta horietatik 10,3 milioi Basquetour Turismoaren Euskal Agentziari transferitu zaizkio, alegia, %2 gehiago. Turismoaren aurrekontua definitzeko 3 arlo nagusi zehazten dira.

1. Sektoreari zuzenean eskuratzeko laguntzak, Turismo eta Ostalaritza Zuzendaritzan jasotzen direnak.

• EMET Turismo Enpresen Ekintzailetzarako eta Hobekuntzarako laguntzak, 1,3 milioi eurorekin.
• LPT Lurralde Proiektu Turistikoetarako laguntzak, lankidetza- eta kudeaketa-erakundeei zuzenduak, 1,78 milioi eurorekin.
• Turismoa merkaturatu eta sustatzeko (TMS) laguntza, 000 euroko zenbatekoarekin.
• Turismo-arloko elkarteak indartzea, ia 000 eurorekin.

Turismo eta Ostalaritza Zuzendaritzak, gainera, Iturbask turismo-bulegoen sarea koordinatzen du, zeinak 850.000 euro izango baititu dagozkion 50 bulegoetarako.

2. Euskadi helmuga gisa sustatzeko ekintzak, desestazionalizazio-estrategietan, fluxuen mugimenduan eta egonaldia handitzean oinarrituta. Basquetourren 4,5 milioi bideratuko dira marketinera eta helmuga merkaturatzera, nazioarteko turismoa erakartzeko estrategia indartzen jarraitzeko. Horrez gain, partida honetan hauek ere sartzen dira: azokak, helmugan egiteko ekitaldi estrategikoak, press eta fam trips-ak, eta turoperadoreei zuzendutako merkaturatze-ekintzak.

• Turismo jasangarriaren eredua bultzatzea eta indartzea. Arlo horretan, Basquetourri 363.000 euro esleitu zaizkio gobernantzarako, zeinaren helburua ekintza hauek sustatzea izango baita: enpresen arteko, erakundeen arteko eta arlo publikoaren eta pribatuaren arteko lankidetza, edota Turismoaren Euskal Sarea sustatzea. Bestetik, 1,13 milioi euro enpresen lehiakortasuna eta turismo-etika sustatzeko erabiliko dira. Helburua Turismoaren Kode Etikoa bultzatzea da. Kode horrek dagoeneko 800 euskal enpresa baino gehiago ditu atxikita, baita honako ekimen hauek ere: Europako programak, lehiakortasun-sareak, turismo-helmuga adimenduneko programak eta turismo-jasangarritasun integraleko sistemak.

Datuak dira erabaki estrategikoak hartzeko eta jasangarritasuneko turismo-estrategian aurrera egiteko funtsezko elementua. Adimen Turistikoaren Sistemak (SIT) 412.000 euroko partida izango du.

Merkataritza arloa

Merkataritza arloak du aurrekontu handiena, 21,6 milioi baititu, hau da, %1 gehiago. Aurrekontu horren zati handi bat merkataritza-sektoreari laguntzeko programak dira:

• Merkatarien elkarteei zuzendutako merkataritza dinamizatzeko Hirigune programak 2,1 milioi euroko kontu-saila du, hau da, 100.000 euro gehiago.

• Merkataritzako Bulego Teknikoen programa optimizatzeko, Turismo Sailak MERKASARETZA (Merkataritza Laguntzako Guneen Euskal Sarea) sortzeko dekretua aurkeztu du, zeinaren azken izapideak egiten ari baitira dagoeneko. Programa horretarako kontu-saila, guztira, 1,72 milioikoa da, eta bi ekimen hauen artean banatzen da: MBTren egungo programa (400.000 €) eta Merkasaretza berria (1,32 milioi euro).

• Belaunaldien arteko erreleboa eta enplegua sortzea sustatzeko, Turismo Sailak merkataritza-ekintzailetzarako laguntza-programa berri bat aurkeztuko du, 1,72 milioikoa, aholkularitza tekniko espezializaturako laguntza-programa bat ere jasoko duena.

• Merkataritza-establezimenduak modernizatzeko programak handitu egin du bere aurrekontu-saila, eta 4 milioitik 4,25 milioira igo da.

Horrez gain, enpresei prestakuntza eta aholkularitza emateko hainbat proiektu jaso dira, Eusko-Ganberak entitatearekin lankidetzan garatuak, hala nola eus-commerce, Berriz Enpresa, Escuela Vasca del Retail edota Enfokamer, eta horietarako, 2,77 milioi euro jarri dira guztira.

Kontsumobide

Kontsumobidek 8,1 milioiko aurrekontua du, hau da, % 1,2gehiago aurreko aurrekontuarekin alderatuta.

“Sail honek pertsonak lehenesten jarraituko du beti. Turismo eta merkataritza sektorean ari diren 250.000 familiez ari gara, Euskadin lan egiten dutenen %25a, ia-ia”.

?️ @JHurtadoGV

Turismo, Merkataritza eta Kontsumo Sailaren aurrekontuaren erdia… pic.twitter.com/mgwlfbRWS9

— Socialistas Vascos - Euskal Sozialistak / ❤️ (@socialistavasco) November 7, 2024

Kontsumobidek prestakuntza-ekintzak optimizatzen jarraituko du. Biztanleria orokorrari, kolektibo kalteberei, ikasleei eta profesionalei zuzendutako prestakuntzarako aurrekontua 800.000 €-koa da.

Kontsumo-eskubideen defentsan ere garrantzitsua da kontsumitzaileen elkarteen laguntza izatea, eta 379.365 €-ko ekarpena izango dute horretarako. Era berean, Kontsumitzaileen Arretarako Udal Bulegoen deialdia 898.776 milioi eurokoa izango da 2025ean. Bi partidak %5 igo dira.

Sailburuak nabarmendu duenez, aurreko legealdian aparteko funtsak hedatu ondoren, Sailaren aurrekontua arrunta izatera igaro da, eta arreta sektoreari zuzenduta izaten jarraitzen du.

"Sail honek pertsonak lehenesten jarraituko du beti. 2025eko aurrekontua minutu gutxi batzuetan laburtzen saiatzen garenean, ez dugu zenbakiez bakarrik hitz egiten. 250.000 familia ari dira lanean turismoaren eta merkataritzaren sektoreetan, Euskadiko langileen ia %25. Eta beste ehunka mila laguni buruz ari gara, horien lanetan ere eragina baitute, hala nola garraioan, kulturan, lehen sektorean... Sailaren aurrekontua pertsonei, enpresei, lokalei eta lanbideei zuzenduta dagoelako. Ia erdia, %47, negozioak hobetzeko eta modernizatzeko zuzeneko laguntza gisa. %11 baino gehiago, prestakuntza eta lehiakortasunerako. %14 baino gehiago, horiek sustatzera eta gure bizitzetan duten garrantziaz sentsibilizatzera bideratzen da. Politika publikoak pertsonen zerbitzura daude, haien premien eta ongizatearen zerbitzura, eta haien eskubideak babestuko dituen aurrekontu batean islatzen dira”.