Web gune honek cookieak erabiltzen ditu, propioak eta beste batzurenak. Nabigatzen jarraituz gero gure cookien politika onartzen duzula ulertzen da.
Adi egon! Adi egon!

Urria 2021

AL AR AZ OG OR LR IG
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
Itxi
PSE EUSKADI

PSE-EE PSOE Socialistas Vascos

Berriak

partekatu  partekatu

Eneko Andueza: “Lehen urte hau erresistentziarena izan da, orain eraldakuntzaren etapa dator”

PSE-EEko bozeramaileak nazionalistei ohartarazi die “kale itsura” eramaten dutela ustezko “estatus berriaren” atzean ezkutatzen diren asmo independentistek.

1. argazkia
Eneko Andueza, portavoz del Grupo Parlamentario Socialistas Vascos-Euskal Sozialistak | Foto: Socialistas Vascos

Socialistas Vascos-Eusko Sozialistak Taldeko bozeramaileak, Eneko Anduezak, adierazi du Covid-19aren aurkako borrokan urtebete eman ondoren Eusko Jaurlaritzak fase berri bati egin behar diola orain aurre, euskal gizarteak aurrean dituen erronkei erantzuna emateko. Hori dela eta, azpimarratu du Gobernuaren programak jada adierazten duela nora zuzendu behar den ahalegin hori bidezko susperraldia lortzeko, pertsona guztiengana iristeko, eta zer gaietara bideratu behar diren ahaleginak, izan aurrekontuarenak izan europar funtsenak.

 

“Bidea zedarriturik dago. Bide-orria prestaturik dago. Sozialisten ekarpena kudeatzen ditugun hiru sailez harago doa, programa osora zabaltzeraino. Guztia antolatzen den hastapenetatik hasi eta gure zerbitzu publikoei eutsi eta modernizatzera, berdintasunean eta trantsizio ekologikoan urratsak ematera, elkarrizketa bultzatzera zuzendutako politiken hein handi bateraino", azaldu du Eusko Legebiltzarrean burutu den Politika Orokorreko osoko bilkuran.

#Euskadi-k dituen erronkei ezin zaie heldu lurralde zatiketa batetik.
Horregatik, Euskal Sozialisten erreferentzia ez da inoiz izango XIX. mendea, XXI. mendea baizik.

#ElGobiernoDeLasSoluciones❤️ pic.twitter.com/WANIhdc18J

— Eneko Andueza (@enekoandueza) September 16, 2021

Eneko Anduezak berariaz aipatu ditu eredu soziosanitarioaren aldaketak, arreta berezia eskainiz zainketen politikari, ekonomia eta lan esparruko eraldaketari, jarduera industrialak pisu handiagoa izateko prozesuekin eta enpleguaren kalitate handiagoarekin, edo larrialdi klimatikoari emateko erantzuna, mugikortasunaren iraultza eta hirigintza bezalako alderdiekin. Eta baita sail sozialistei zuzenago lotutako proiektuak ere, hala nola Lanbideren eta Diru-sarrerak Bermatzeko Errentaren erreforma, merkataritza sektorearen digitalizazioa, hirigintza berritzeko planak edo etxebizitza eta garraioko politikak.

Halere, bozeramaile sozialistaren esanetan, “inork ezin du egin balantze triunfalistarik ustekabeko krisi batetik, bidean hainbat zauri utzi dituenetik”, eta adierazi du: “Gaur harro sentitu gaitezke gehien behar zenean bere sendotasun eta ekimenerako gaitasun osoa erakutsi izan duen euskal autogobernuaz”. Eta, txertaketako kanpainaren zifrak nabarmendu ondoren, esan du Osakidetzaren erantzun eraginkorrak, Pedro Sánchezen Gobernuaren kudeaketak eta “kogobernantza eredu batek, errespetuaren adibidea eta gure eredu instituzional eta politikoa denak”, lagundu izan dutela erakundeen eta zerbitzu publikoen funtzionamendu egokirako.

Eneko Anduezak adierazi du Berreskurapen Ekonomikorako eta Enplegurako Berpiztu Programa dela susperraldia, europar funtsen egitekoa eta 2022ko Aurrekontuen “begirada nabarmen soziala” oinarrituko diren gida. Aurrekontu horietarako, esan du abiapuntu gisa Eusko Legebiltzarreko gehiengo handi baten babesa dutela, Gobernuko bi alderdiekin.

👉🏻“Autogobernuak bere sendotasuna erakutsi du gehien behar zenean, alegia #Covid19-aren pandemian. Kogobernantza izan da gure eredu instituzional eta politikoen errespetuzko adibide bat, @sanchezcastejon buru dela.

🗣️ @enekoandueza

#ElGobiernoDeLasSoluciones❤️ pic.twitter.com/2cksiRskJ6

— Socialistas Vascos - Euskal Sozialistak / ❤️ (@socialistavasco) September 16, 2021

Estatutuaren erreformak ere bere tartea izan du bozeramaile sozialistaren mintzaldian, eta alderdi nazionalistei ohartarazi die. “Estatus berria deitzen diozuen horretarako zuen nahiek kale itsura eraman gintuzten lehen ere. Ganbera honetan adostu daiteke gehiengo baten babesa izango duen eta abertzaleen ideiak jasoko dituen testu bat. Adostu daiteke erabakitzeko bere eskubidea, independentzia lortzeko autodeterminazioranzko bidaia. Baina, jakitun izan zaitezte, hori egiten baduzue bizikidetza eta gizarte baten aniztasuna zatikatzen ariko zaretela, sozialki eta ekonomikoki isolaturik eta bazterturik geratuko dena. Eta ez gara ezer asmatzen ari, ibilbide hori egina duelako lehendik ere Euskadik, eta porrot galanta izan zen”, gogoratu du.

Eta Urkullu lehendakariak “1839ko aurreko subiranotasuna berreskuratzea” eskatuz esandako hitzen gainean, hau esan du: "Estatus politikoa zehaztuta dago. Eta funtzionatzen du. Euskal, espainiar eta europar adierazpena du. Korronte politiko guztien protagonismoa nola ekintza, horien ordezkaritza, sustraitzea eta abar laguntzen du. Eta horren erakusle ona da, hain zuzen, Euskadin dugun gobernatza pluraleko errealitate hau. Gure erreferentzia inoiz ez da izango XIX. mendea. Gure erreferentzia XXI. mendea izango da beti. Guri horretarako itxaron zaigu Euskadin. Autonomikoa denetik tokikorako eta globalerako ekarpena egiten”.

“Onartezintzat” jo du, halaber, “ETAren hondar” direnen, bizitzaren eta askatasunaren aurka egiten zutenen, ehunka herritar erail eta milaka pertsona jazarri zituztenen alde egindako edozein omenaldi publiko. Eta EH Bilduri eskatu dio amaiera jar diezaiola ongietorrien “praktika ankerrei”.

“Orain, ETAren porrotaren hamargarren urteurrena betetzen denean eta gizarte honek merezi bezala ospatu behar lukeenean, une aparta da ezker abertzaletik gainean daramaten iragan horrekin kateak hautsi ditzaten eta Euskadi bidezkoago eta duinago bat eraikitzen gainerakooi lagun diezaguten. Eta hori, berriro diot, zeuon esku bakarrik dago", esan du.