partekatu
Eneko Andueza: “Alderdi Sozialista da Euskadi herritarrei interesatzen zaienari emanik egoteko bermerik onena”
EAJ harrotu egiten dela independentista izateaz azpimarratu du PSE-EEko idazkari nagusiak
Urkulluk autodeterminazio eskubidea defendatzeko Bruselara egindako bidaia eta ezker abertzaleak ituna egiteko eskaintzaren aurrean Pradalesek erakutsitako isiltasuna ekarri ditu gogora
Susana Corcuerak gidoi aldaketa bat eskatu du lurralde politikan eta I+G+b arloan
Lasarteko alkateak, Agustin Valdiviak, deitoratu egin du bere udalerrian Larrialdi Zerbitzua kendu izana
Eneko Andueza PSE-EEko idazkari nagusiak azaldu du Alderdi Sozialista indartsu bat dela bermerik onena euskal politika berritarrei benetan axola zaien kontuetara zuzendurik egon dadin, independentziaren eta hausturaren inguruko eztabaida nazionalistetatik urrun. Anduezarentzat, deitoragarria da EH Bilduk eta EAJk helburuak partekatzea eta Andoni Ortuzarrenak ez egitea uko ezker abertzaleak Euskadin ituna egiteko egindako eskaintzari. Urkulluk orain dela gutxi Europako Batasunaren hiriburuan izan duen agendari eta Pradalesek aste honetako azken elkarrizketetan esan duenari erreparatu dio hautagai sozialistak Lasarte-Oriako Herriko Etxean eman duen mitin batean.
“Independentismoaren sagarrarekin tentatu du EH Bilduk EAJ. Eta ez EAJri, ez horren hautagaiari, nik ez diet entzun helburu hori lortzeko EH Bildurekin ez direla elkartuko esaten. Areago oraindik, batzuk gaur harro ziren independentista zirelako eta erabakitzeko eskubidearen alde egiteagatik; Urkullu lehendakaria aste honetan Bruselara defendatzera joan izan den erabakitzeko eskubidea, alegia. Euskadik ez du abentura beharrik, ez du arriskuren beharrik. Eta norbaitek hori gertatzerik nahi ez badu, badaki zer egin behar duen datozen hauteskunde autonomikoetan, Alderdi Sozialistaren alde egin, hori delako inork nahas-mahas batean ez sartzeko berme bakarra, herritarrei benetan axola zaienean lanean jarduteko: euren arazoak konpontzen”, azaldu du.
EH Bilduk independentismoaren sagarrekin tentatu du EAJ.
Ez EAJri, ez horren hautagaiari, ez diot entzun ezetzik esaten eskaintza horri.
Alderdi Sozialista da #Euskadi-n politika jendeari benetan interesatzen zaionera bideratuta egoteko bermea.#Cambiaelguion pic.twitter.com/k6fkaQfNOE
— Eneko Andueza (@enekoandueza) February 4, 2024
“Jendeari benetan axola zaionera zuzentzen jarraituko dugu, horiei etorkizuna ematera, gidoi aldaketa hori posible egingo duen programa aplikatzera, Euskadi merezi duen lurralde bat izan dadin, autonomia erkidego liderra, erreferentea, izan dadin. Lidergoa berreskuratu beharra dugu, eta Alderdi Sozialistaren eskutik etorriko da lidergo hori. Batzuen autokonplazentziaren eta besteen independentismoaren aurrean, eta biak elkartzen direnean horien baturaren aurrean, Alderdi Sozialista gehiago”, adierazi du.
Susana Corcuera Socialistas Vascos-Euskal Sozialistak taldearen bozeramaile ondokoak eta Lasarte-Oriako alkateak ere parte hartu dute ekitaldi politikoan. Susana Corcuerak azpimarratu du Alderdi Sozialistak martxan jarritako neurriek “azken krisialdiari eutsi eta ekonomia eta enplegua berrestea” ahalbidetu dutela, “%6,3ko langabezia tasarekin, Espainiako baxuena izanik (Gipuzkoan %6,35).
Eta legegintzaldi honetan gertatu diren mugarri batzuk ekarri ditu gogora: “Euskadin Enpleguaren Euskal Lege bat dugu sozialistei esker, Espainian aitzindaria dena, lan duina zer den aitortuz eta zehaztuz. Enplegurako Gizarte Itun bat lortu dugu eta Lanbide, Enpleguaren Euskal Zerbitzua, tresna eraginkor batean bihurtu dugu”.
Corcueraren esanetan, norabide-aldaketa baten beharra dago industriaren politikan, sektorearen posizionamendua hobetzeko. “Politika industrialaren gidoia aldatu behar da, sektore estrategikoetan proiektu industrial berriak erakarriz lidergo publikoarekin, I+G+b-ren alde eginez, sistema zientifiko teknologikoa zein hezkuntza sistema berrituz; kluster finantzario baten beharra dago Euskadiko talde industrial estrategikoak sustraitzen laguntzeko”.
Agustian Valdivia alkateak, bere aldetik, udalerriak zerbitzu publikoen alde egindako apustua bermatu du eta inplikazio gehiago eskatu dio Hezkuntza Sailari ikastetxeetako inbertsioak bezalako kontuan. “Ikastetxeetan egiten diren kudeaketaren eta inbertsioen kostuaren %40 udalen esku utziko ez duen gobernu baten premia dugu. Lasarte-Orian 3,5 milioi euro baino gehiago inbertitu izan ditugu 10 urtetan eskumena Eusko Jaurlaritzarena den gai batean”, azaldu du.
Valdiviak esan du munizipalismoan sinetsiko duen lehendakari bat behar duela Lasarte-Oriak, eta pandemian kendu zen osasun-larrialdietako zerbitzua udalerri honetan berrezarri ez izana deitoratu du.
“Gidoi aldaketa baten beharrean gara osasun publikoan: euskaldunak oso harro ginen Osakidetzaz, baina ikusten goaz gero eta okerrago doala nazionalistek eskutik. Kudeaketa horrek gure herria larrialdi-zerbitzurik gabe utzi zuen pandemiaren aitzakiarekin. Gaur-gaurkoz, 19.000 lasarteoriarrok Hernanira joan beharrean gara, berriro irekitzeko eskatu arren erantzunik jaso ez dugula”, gogoratu du.
