partekatu
• Eusko Legebiltzarrerako Hauteskundeak #25S
Idoia Mendiak PSE-EErako botoa eskatu du “bizikidetza demokratikorako botoa delako”
PSE-EEko hautagaiak “berdintasunaren lehendakaria izan nahi du, kalitate oneko osasuna, pentsio duinak eta seme-alabek ingelesa ikasteko aukera aberats gutxi batzuen pribilejioa izan ez dadin”
![1. argazkia](imagenes/noticias/Noticia_Donostia_1.jpg)
PSE-EEko idazkari nagusi eta lehendakarirako hautagai Idoia Mendiak botoa emateak ez duela ezertarako balio pentsatzen dutenei edo botoa eman edo ez erabaki ez dutenei esan die etxean ez gelditzeko eta Euskal Sozialistei emateko botoa "bizikidetza demokratikorako" botoa delako.
“Indarkeriako iraganarekin amaitu nahi ez dutenen aurrean, ustelkerian nahastuta jarraitzen dutenen aurrean, nahi dutena ezkutatzen dutenen aurrean, ezeren inguruan diskurtsoak egiten dituztenen aurrean, benetako Euskadi berdintsuaren alde bozkatzeko eskatzen dut nik", esan du.
Mendiak ekitaldi politiko batean parte hartu du Gipuzkoako zerrendaburu Susana Corcuerarekin batera, eta azaldu du Euskal Sozialistek “Euskadi hobea nahi dugula, gizarte-eskubideen Euskadi, eta ez subiranotasunaren Euskadi". “Euskadi berritzaile, bikain, talentutsu berreskuratu nahi dugu”, gaineratu du.
Enplegua, gazteak, I+G, osasuna, euskara askatasunez, ingelesa ikasgeletan zenbait proposamen sozialista dira eta Idoia Mendiak gogoratu ditu gau, hauteskunde-kanpainaren azken egunean. “Euskadin kanpainak askatasunean bizi ditugu, mehatxurik gabe, eta hori Sozialisten lorpena da! Euskal gizarte osoaren lorpena!, amaitu du.